Dalstuene (Mettätuvat ja -kämpät)

Dalstuene oon net vanhat kämpät joita Nord-Troms museum hallittee. Net oon noin 3 km lähimästä kesäparkeerinkipaikasta joka oon Rundvannsbekkenin rannala. Täältä oon helppo lähteät kalamukile Navetanjovessa ja tämä oon kans hyvä lähtöpaikka muileki vajeluksile syvemälle vankkhaan.

Lissää tietoa, katto ntrm.no/dalstuene

Dalstuen Statskog

Dalstuen Statskog oon noin 3 km likimäisestä kesäparkkeeringista, joka oon Rundvannsbekkenin rannala. Tämä oon hyvä lähtöpaikka kalamukile Naavuononjovessa eli muileki mukile syvemälle vankkhaan.

Lissää tietoa, katto inatur.no – valitte ”Hytteleie/Cabins” ja haje hakusanala ”Kvænangen”

Kärpikäntupa

Kärpikäntuvan saattaa laikottaat Statskogilta. Sinne oon 5 km likimäisestä kesäparkkeeringista joka oon Gearbbetveienin päässä. Täältä oon helppo lähteät kalamukile Naavuononjovessa, riekonpyythöön eli muileki vajeluksile syvemälle vankkhaan.

Lissää tietoa, katto inatur.no – valitte ”Hytteleie/Cabins” ja haje sanala ”Kvænangen”

Kvalvannsgammen

Kvalvannsgammen oon pieni aukinainen puura, joka oon pienen, nimettömän järven rannala (533 mmy.) heti Aslakanjärven eteläpuolela. Tämä oon Naavuononvuomasta pohjasheen, suojelualan eteläisiimässä osassa. Puura oon Statskogin omistuksessa ja sitä piethään hätäsuojana.

Lappasriidig

Lappasriidig oon pieni aukinainen puura, joka oon pienen, nimettömän veen rannala Naavuononvuoman eteläöystän puolela, aivan suojelualan vieressä. Puura oon nyt Statskogin omistuksessa ja käytössä, ja sitä piethään hätäsuojana.

Tyyppi: Aukinainen kota
Sänkypaikkaa: 4
Puu-uuni

Navetankota

Navetankota oon Sáivan vieressä Navetanvuomassa, heti Gamnesetin kummun pohjaspuolela. Koan rakenethiin kulttuurimuistoprosektinna/tieonvälitysprosektinna vuosina 2019/2020, ja sen rahotti suojelualastyyri. Se oon alala jossa oon monta vanhaa kottaa – jokku niistä oon tyhä pikkusen näkyvissä turpheen alta. Toiset oon painumassa alas maahan, mutta oon vielä näkyvissä.

Navetankota oon perintheinen korvakota, bealljegoahti, jonka oon pykätty koivutolpista, tuohesta ja turpheesta. Tässä koassa oon käytetty materiaalia joka kestää kauvomin ko perintheisen korvakoan materiaalit.

Tyyppi: Aukinainen kota
Sänkypaikkaa: 2-4
Puu-uuni

Muut yötymismaholisuuet

Naavuonon alalta löytyy usheita yöttymismaholisuuksia.

Tarkempaa tietoa löyät sivulta kvaenangen.com