Hálddašeapmi ja bearráigeahčču
Hálddašeapmi
Eiseváldi hálddašit Bađaávžži ja Gearbbehiid ja Návetvuomi suodjemehciid suodjalannjuolggadusaid lea addon govdadit čohkkejuvvon suodjalanguovlostivrii. Stivrras leat vihtta miellahtu maid Návuona suohkan, Romssa ja Finnmárkku fylkkagielda ja Sámediggi leat nammadan. Stivra hálddaša guovlluid ja luonddušláddjivuođalága suodjalanláhkaásahusaid mielde. Lea vuosttažettiin stivrra ovddasvástádus hálddašit guovlluid nu ahte suodjaleapmi bearráigehččojuvvo ja suodjalanulbmil ollašuhttojuvvo. Lea seammás hirbmat dehálaš ahte bargu dahkko ovttas singuin geaidda suodjalanguovllut gusket.
Hálddašeaddjis, gii maiddái lea stivrra čálli, lea beaivválaš ovddasvástádus čuovvolit dan barggu maid stivra mearrida, earret plánet, láhčit áššiid, diehtojuohkin ja áššemeannudeapmi.
Vaikko lea suodjalanguovlu, de gustojit maiddái eará lágat ja njuolggadusat ollásit. Danne lea hirbmat dehálaš ahte suodjalaneiseváldi ovttasbargá earáiguin. Geahča vuolábealde eanet dieđuid
Eanet dieđut: nasjonalparkstyre.no/Kvanangsbotn-og-Navitdalen-LVO

Bearráigeahčču
Stáhta luonddubearráigeahčču (SNO) bearráigeahččá suodjalanguovlluid. Sii bearráigehččet ahte suodjalannjuolggadusat doahttaluvvojit ja raporterejit maiddái suodjalanguovlluid dili birra hálddašaneiseváldái. Bađaávžži ja Gearbbehiid ja Návetvuomi suodjemehciin bearráigehččet eanaš Stáhtavuovdi ja Fjelltjenesten SNO ovddas.

Dehálaš ovttasbargoguoimmit
Stáhtavuovdi
Stáhtavuovdi lea stáhtafitnodat man norgga stáhta Eanadoallo- ja biebmodepartemeantta bokte eaiggáduššá. Dat hálddaša stáhtalaš eanaopmodagaid. . Eanaeaiggátvuoigatvuođat eai noga vaikko lea suodjaleapmi. Suodjaleapmi ii guoskka muhtun doaimmaide, ja dat dáhpáhuvvet seamma láhkai go suodjalanguovllu olggobealde.
Stáhtavuovdi lea vásttolaš buot dasa mas lea sáhka bivddus ja guolásteamis, murrenjearaldagain jna.
Eanet dieđut:
Oppalaš dieđut – statskog.no
Bivdu ja barttat – inatur.no

Davvi-Romssa musea
Davvi-Romssa musea galgá gaskkustit ja dokumenteret guovllu historjjá. Musea hálddaša Dalstueniid Stáhtavuovddi šiehtadallama vuođul.
Eanet dieđut: ntrm.no

Davvi-Romssa olggostallanráđđi
Davvi-Romssa olggostallanráđđi lea oktasaš Návuona, Ráissa, Skiervvá ja Gáivuona suohkaniidda. Dat barget ovddidit olgostallama aktivitehtaláhčosiin ja oahpaheami bokte, earret eará skuvllain ja mánáidgárddiin. Sis lea ovddasvástádus vázzinláhčosii Ut i Nord. Leat máŋggat mátkkit Návuonas.
Eanet dieđut: utinord.no
