Suodjalanguovlluid birra Návuonas

Návuonas leat máŋga luonddugáhttenguovllu. Stuorámus luonddugáhttenguovllut gos váldoulbmil lea seailluhit luonddu- ja kultureanadaga ollislašvuođa doaibmabijuid vuostá mat sáhttet rievdadit guovlluid mihtilmasvuođa dahje iešvuođa. Dáin guovlluin lea olgostallan dávjá oassi ulbmilis, ja gávdno infrastruktuvra ja bálvalusfálaldagat sidjiide geat háliidit fitnat guovlluin.

Návuonas leat maiddái unnit suodjalanguovllut, luonddureserváhtat, gos ulbmil lea fuolahit hárvenaš dahje mihtilmas luonddu. Dát guovllut hárve leat heivehuvvon gallededdjiide.

$

Govven: © Petr Pavlíček – Visit Lyngenfjord

Govven: © Petr Pavlíček – Visit Lyngenfjord

Vásit Bađaávžži ja Gearbbehiid ja Návetvuomi

Suodjalanguovlluid galgá maiddái sáhttit geavahit olgostallamii. Bađaávžžis ja Gearbbehiin ja Návetvuomis leat olu vejolašvuođat, leaččat dal ohcamin buori govvenvejolašvuođa, vázzinmátkki, bivdimin stuorrarávddu dahje luosa dahje háliideamen oahppat eanet kulturhistorjjá birra. Ja don sáhtát válljet daid oaneheamos mátkkiid dušše 100 mehtera eret parkerensajis, guhkit beaivemátkkiid dahje máŋggabeaimátkkiid tealttáin ja oaggunstákkuin.

$

Idjadeapmi guovllus

Guovlluin Bađaávžži ja Gearbbehiid ja Návetvuomi birra leat olu idjadanvejolašvuođat. Leat vuosttažettiin láigobarttat, gohttensajit ja guosseviesut. Dieđuid daid birra mat leat rahpasat ja sáhttá geavahit, gávdná álkimusat eanemus geavahuvvon ohcanbálvalusain dahje destinašuvdnafitnodaga turistadieđuin.

$
Govven: Rune Benonisen
Govven: © Petr Pavlíček – Visit Lyngenfjord

Luonddugeavaheapmi dál ja dolin

Guovllut mat dál leat Bađaávžži ja Gearbbehiid ja Návetvuomi suodjemeahcit, leat leamaš ássiid riggodatvuođđu don doloža rájes. Áiggi mielde lea luonddugeavaheapmi rievdan. Juoga lea jávkan, ja ođđa árbevierut ges leat sajáiduvvan.

Dá lea bajilgovva mo Bađaávži ja Gearbbehat ja Návetvuopmi geavahuvvojit dál – ja veahá geahčastat historjái.

$

Hálddašeapmi ja bearráigeahčču

Bađaávžži ja Gearbbehiid ja Návetvuomi suodjemehciid hálddaša báikkálaš suodjalanguovlostivra. Návuona eará guovlluin lea Romssa ja Finnmárkku Stáhtahálddašeaddji eiseváldi.

$
Forvaltning og oppsyn logo